سمندر میں اچانک آگ بھڑکنے کی ویڈیو سوشل میڈیا پر وائرل ہوگئی۔

غیر ملکی خبر رساں ادرے کے مطابق خلیج میکسیکو کے سمندر میں اچانک آگ بھڑک اٹھی، اور لوگ پانی میں سے لپکتے شعلوں کو دیکھ کر حیران رہ گئے۔

 [amazonad category=”Mobile”]

🚨 Sobre el incendio registrado en aguas del Golfo de México, en la Sonda de Campeche, a unos metros de la plataforma Ku-Charly (dentro del Activo Integral de Producción Ku Maloob Zaap)

Tres barcos han apoyado para sofocar las llamas pic.twitter.com/thIOl8PLQo

— Manuel Lopez San Martin (@MLopezSanMartin) July 2, 2021

جزیرہ نما یوکاٹن میں لگنے والی آگے کے حوالے سے آئل کمپنی پیمیکس کا کہنا ہے کہ پانی کے نیچے سے گزرتی گیس پائپ لائن میں لیکج کی وجہ سے آگ لگی۔

ویڈیو میں دیکھا جا سکتا ہے کہ شعلے پانی کے اندر سے باہر نکل رہے ہیں اور آتش فشاں کے لاوا سے مشابہہ لگ رہے ہیں جس کو سوشل میڈیا صارفین ’آئی آف فائر‘ کہہ رہے ہیں۔

 یہ آگ آئل پلیٹ فارم پیمیکس کے قریب پانچ گھنٹے سے زائد تک لگی رہی۔

کمپنی کا کہنا ہے کہ مقامی وقت کے مطابق صبح پانچ بج کر 15 منٹ پر آگ لگی جس کو صبح ساڑھے 10 بجے کے قریب مکمل طور پر بجھا دیا گیا۔

آئل کمپنی کے ذرائع نے بتایا کہ آئل پلیٹ فارم کے لیے گیس کی پائپ لائن پانی کے اندر سے گزاری گئی ہے جو پلیٹ فارم کو کُو مالوب زاپ سے جوڑتی ہے۔

کُو مالوب زاپ میکسیکو کی خلیج کے جنوری کنارے کے قریب واقع ہے۔

پیمیکس کے مطابق آگ لگنے کے واقعے میں کسی کے زخمی ہونے کی اطلاع نہیں ہے جبکہ پروڈکشن کے کام پر بھی کوئی فرق نہیں پڑا۔

کمپنی کی جانب سے کہا گیا کہ واقعے کی تحقیقات بھی کی جائیں گی۔