عید قرباں کی آمد آمد ، منڈیوں میں گہما گہمی بڑھ گئی

انوشہ شیخ

07th Jul, 2021. 11:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عید قرباں کی آمد آمد ، منڈیوں میں گہما گہمی بڑھ گئی

عید قرباں کی گہما گہمی شروع ہوتے ہی لاہور میں بھی شہریوں نے بکروں اور گائے کی خریداری کے لئے مویشی منڈیوں کا رخ کرلیا ہے۔

تفصیلات کے مطابق لاہور اور قرب و جوار میں 8 مویشی منڈیاں قائم کی گئی ہیں جن میں صدر ڈویژن میں 5 ، سٹی ڈویژن میں 2 اور کینٹ ڈویژن میں 1 منڈی لگائی گئی ہے۔

انتظامیہ کا کہنا ہے کہ این ایف سی سوسائٹی ، رائے ونڈ روڈ مانگا منڈی ، سگیاں روڈ اور رنگ روڈ ، لکھو ڈئیر پر بھی مویشی منڈی سج گئی ہے۔

شہریوں اور بیوپاریوں میں بھائو تائو اور جوڑ توڑ جاری ہے جبکہ کوئی بکرا خرید رہا ہے اور کوئی گائے کی خریداری کے لئے تکرار کر رہا ہے وہیں دوسری جانب بیوپاری ہو یا خریدار ہر کوئی مہنگائی کا ہی رونا رو رہا ہے۔

واضح رہے کہ لاہور کی سب سے بڑی مویشی منڈی شاہ پور کانجراں، پائن ایونیو روڈ شانو بابا نزد حویلی مرکز بالمقابل نثار حویلی سندر روڈ پر لگائی گئی ہے۔