کشمیر پریمئیر لیگ کشمیری نوجوانوں کی صلاحیتوں کو جلا بخشے گی، شہریار خان آفریدی

اسفا سروت

07th Jul, 2021. 07:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کشمیر پریمئیر لیگ کشمیری نوجوانوں کی صلاحیتوں کو جلا بخشے گی، شہریار خان آفریدی

چئیرمین کشمیر کمیٹی شہریار خان آفریدی نے کہا کہ کشمیر پریمئیر لیگ کشمیری نوجوانوں کی صلاحیتوں کو جلا بخشے گی اور کشمیری ثقافت کو اُجاگر کرنے میں اہم کردار ادا کرے گی۔

تفصیلات کے مطابق چئیرمین کشمیر کمیٹی شہریار خان آفریدی کی زیرِصدارت میں کشمیر کمیٹی کا 20واں اجلاس ہوا جس میں وزارت خارجہ، نیشنل سیکورٹی ڈویژن، وزارت اطلاعات و نشریات، پاکستان کرکٹ بورڈ اور دیگر اعلیٰ حکام نے شرکت کی۔

ذرائع کے مطابق اجلاس میں کشمیر پریمئیر لیگ کے بارے میں بریفنگ دی گئی اور کے پی ایل کے حوالے سے انتظامات اور اقدامات پر اطمینان کا اظہار کیا۔

واضح رہے کہ چیئرمین کشمیر کمیٹی شہریار خان آفریدی نے تمام قومی اداروں کو کشمیر پریمئیر لیگ کو کامیاب بنانے کیلئے تمام ضروری اقدامات کی ہدایت دی۔

شہریار خان آفریدی نے کہا کہ کے پی ایل کے کامیاب انعقاد سے کشمیری نوجوانوں کی صلاحیتوں کو فروغ دینے میں مدد ملے گی اور کھیلوں کو فروغ دینے سے صحت مند معاشرے کی تشکیل میں مدد ملتی ہے۔