سعید غنی کا کہنا ہے کہ ایل اے 02 پر نتائج کو تبدیل کرنے کی سازش کی جارہی ہے۔

تفصیلات کے مطابق وزیر تعلیم سندھ سعید غنی نے اپنے جاری کردہ بیان میں کہا ہے کہ کشمیر میں انتخابات کے نتائج کو روکنا اس بات کا ثبوت ہے کہ موجودہ نالائق اور نااہل وفاقی حکومت 2018 کی تاریخ دہرانا چاہ رہی ہے، حلقہ ایل اے 02 میں پیپلز پارٹی کے امیدوار چوہدری قاسم مجید کی واضح کامیابی کے باوجود ان کو اب تک نتائج نہیں دئیے جارہے ہیں۔

ان کا مزید کہنا ہے کہ چوہدری قاسم مجید کی جانب سے بار بار الیکشن کمیشن اور پریزائیڈنگ آفیسر سے نتیجے کے مطالبے کے باوجود انہیں نتائج نہیں دئیے جارہے ہیں، ہم ایل اے 02 کے اگر نتائج کو تبدیل کرنے کی سازش کی گئی تو اس کو کسی صورت تسلیم نہیں کریں گے۔