ہم ترکی کے ساتھ برادرانہ تعلقات کی نہایت قدر کرتے ہیں، آرمی چیف

وریشہ مسعود

05th Jul, 2021. 09:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم ترکی کے ساتھ برادرانہ تعلقات کی نہایت قدر کرتے ہیں، آرمی چیف

آرمی چیف جنرل قمر جاوید باجوہ نے کہا ہے کہ ہم ترکی کے ساتھ برادرانہ تعلقات کی نہایت قدر کرتے ہیں۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے کمانڈر ترکش لینڈ فورسز جنرل امیت دندار کی ملاقات ہوئی جس میں باہمی پیشہ وارانہ امور خاص کر دفاع و سیکیورٹی تعاون پر بات چیت کی گئی۔

آئی ایس پی آر کے مطابق جی ایچ کیو آمد پر ترکش جنرل کو فوجی دستے کی جانب سے گارڈ آف آنر پیش کیا گیا۔

آئی ایس پی آرکا کہنا ہے کہ دونوں جانب سے تربیت و انسداد دہشت گردی کے شعبے سمیت پاک ترک تعلقات کے فروغ پر اتفاق کیا گیا۔

آئی ایس پی آرکا یہ بھی کہنا ہے کہ ملاقات میں ترکش جنرل نے خطے کے امن و استحکام کے لیے پاک فوج کے کردار کی تعریف کی۔

اس موقع پر آرمی چیف جنرل قمر جاوید باجوہ نے کہا کہ ہم ترکی کے ساتھ تاریخی، ثقافتی، مذہبی بنیادوں پر استوار برادرانہ تعلقات کی نہایت قدر کرتے ہیں۔