پاکستان شوبز انڈسٹری کی معروف سنئیر اداکارہ سلطانہ ظفر انتقال کرگئیں۔

تنہائیاں’ اور ’ان کہی’ جیسے مقبول ترین ڈراموں میں اداکاری کرنے والی پاکستان کی لیجنڈری اداکارہ سلطانہ ظفر کے خاندانی ذرائع نے بتایا کہ اداکارہ کا انتقال امریکا میں گزشتہ شب 15 جولائی کو ہوا۔

Another gem lost.
Veteran Actress Sultana Zafar passed away in USA.
She was a big name in Pakistani drama industry. Sultana Zafar is known for drama serial Tanhaiyan, Akhri chattan.

May her soul rest in peace.#SultanaZafar #Pakistanicelebrities #legendaryactress pic.twitter.com/e25cAbJDLC

Advertisement

— PNCA (@PNCAOfficial) July 16, 2021

تاہم سلطانہ ظفر کے خاندانی ذرائع کی جانب سے ان کے انتقال کی وجہ بیان نہیں کی گئی۔

سلطانہ ظفر اپنے منفرد حیدرآباد لب و لہجے کی وجہ سے جانی جاتی تھیں۔

اداکارہ سلطانہ ظفر نے ’تنہائیاں’، ’ان کہی’، ’آخری چٹان’ سمیت پاکستان ٹیلی ویژن (پی ٹی وی) کے متعدد ڈراموں میں اداکاری کی تاہم انہیں ’تنہائیاں‘ میں ادا کیے جانے والے مختصر کردار سے بہت زیادہ مقبولیت حاصل ہوئی  تھی۔

دوسری جانب پاکستان نیشنل کونسل آف آرٹس (پی این سی اے) کی جانب سے سلطانہ ظفر کے انتقال کی تصدیق کی گئی۔

پی این سی اے نے فیس بک اور ٹوئٹر پر شیئر کی گئی پوسٹس میں کہا کہ ماضی کی مقبول اداکارہ سلطانہ ظفر امریکا میں انتقال کرگئیں۔

لیجنڈری اداکارہ امریکی ریاست ٹیکساس کے شہر ڈیلاس میں مقیم تھیں اور ‘ارمیل اسٹوڈیو’ کے نام سے ایک امریکا میں ایک بوتیک چلارہی تھیں۔

ٹوئٹ میں مزید کہا گیا کہ وہ پاکستانی ڈراما انڈسٹری کا ایک بڑا نام تھیں، سلطانہ ظفر ’تنہائیاں‘ اور ’ان کہی’ میں اداکاری کے لیے جانی جاتی ہیں

انہوں نے سوگواران میں 2 بیٹے چھوڑے ہیں جو امریکا ہی میں مقیم ہیں