پاکستان ڈیموکریٹک موومنٹ ایک با پھر متحرک ہوگئی ہے۔

تفصیلات کے مطابق پی ڈی ایم دوبارہ ملک گیر احتجاجی تحریک کا آغاز کررہی ہے، پی ڈی ایم اپنا پہلا جلسہ کل 4 جولائی کو سوات گراسی گراونڈ میں کرنے جارہی ہے۔

 ذرائع کے مطابق پی ڈی ایم جلسے کے لئے انتظامات کیئے جارہے ہیں، گراسی گراونڈ کے چاروں اطراف میں مختلف جماعتوں کے جھنڈے لگائے گئے ہیں اور گراسی گراونڈ سمیت مینگورہ شہر میں بڑے بڑے فلیکسز لگائے گئے ہیں۔

واضح رہے کہ پی ڈی ایم جلسے میں چار سیاسی جماعتیں شریک ہے۔

جلسہ منتظمین نے کہا ہے کہ پی ڈی ایم کے سربراہ مولانا فضل الرحمان بھی شریک ہونگے اور شہباز شریف ، مریم نواز ، محمود خان چکزئی اور آفتاب خان شیرپاؤ کی آمد متوقع ہے

پی ڈی ایم کا دعوٰی ہے کہ خیبرپختونخوا بالخصوص سوات کا یہ تاریخی جلسہ ہوگا، یہ جلسہ موجودہ حکومت کے خلاف ریفرنڈم ثابت ہوگا۔

ذرائع نے بتایا ہے کہ جلسے کے لیئے چار جولائی کو دوپہر دو بجے کا وقت دیا گیا ہے۔

واضح رہے کہ سوات کے ضلع انتظامیہ کی جانب سے اب تک جلسہ کرنے کی اجازت نہیں دی گئی ہے۔

دوسری جانب پاکستان مسلم لیگ ن کے ایم این اے ڈاکٹر عباد نے میڈیا سے بات چیت کرتے ہوئے کہا کہ جن کے خلاف نکلنا ہے ان سے اجازت کیوں مانگے ؟ انتظامیہ اجازت دے یا نہ دے پی ڈی ایم کا جلسہ ہر میں صورت ہوگا۔