پاکستانی شوبز انڈسٹری کی  ہر دل عزیز اداکارہ ماہرہ خان نے ٹوکیو اولمپکس میں ویٹ لفٹنگ کے کھیل میں پاکستان کی نمائندگی کرنے والے طلحہ طالب کی لائیو ویڈیو پر دلچسپ ٹوئٹ کر دیا۔

اداکارہ ماہرہ خان نے مائیکرو بلاگنگ ویب سائٹ ٹوئٹر پر ٹوکیو اولمپکس میں ویٹ لفٹنگ کے کھیل میں پاکستان کی نمائندگی کرنے والے طلحہ طالب کی سوشل میڈیا پر وائرل ہونے والی انسٹا لائیو ویڈیو کو ٹوئٹ کیا ہے۔

https://twitter.com/TheMahiraKhan/status/1419712826290081797?ref_src=twsrc%5Etfw%7Ctwcamp%5Etweetembed%7Ctwterm%5E1419712826290081797%7Ctwgr%5E%7Ctwcon%5Es1_&ref_url=https%3A%2F%2Fjang.com.pk%2Fnews%2F962764

انہوں نے اپنے ٹوٹ میں لکھا کہ اور جب دل ٹوٹ جائے اور اس وقت افسردہ محسوس کریں لیکن یہ دیکھ کرمسکرانے سے خود کو روک نہیں سکیں گے۔

ویڈیو میں طلحہ طالب پیزا کھاتے ہوئے اپنے مداحوں اور تمام لوگوں کا جنہوں نے انہیں سپورٹ کیا، ان کا شکریہ ادا کیا ہے۔

واضح رہے کہ ٹوکیو اولمپکس میں ویٹ لفٹنگ کے کھیل میں پاکستان کی نمائندگی کرنے والے طلحہ طالب میڈل جیتنے سے محروم ہو گئے۔

طلحہ طالب نے اسنیچ میں 150 کلو اور کلین اینڈ جرک میں 170 کلو وزن اُٹھایا۔

طلحہ طالب اولمپکس میں میڈل تو نہ جیت سکے لیکن عدم سہولیات کے باوجود ایونٹ میں شاندار پرفارمنس دکھا کر قوم کے دل جیت لیے۔