بالی ووڈ کے معروف اداکار سلمان خان کے قریبی دوست نے بالی ووڈ کی ہر دل عزیز اداکارہ کترینہ کیف اور وکی کوشل کی جلد شادی کی طرف اشارہ دے دیا ہے۔

گزشتہ دنوں کترینہ کیف نے اپنی 38ویں سالگرہ منائی تھی،اس موقع پر بالی ووڈ اداکارہ کے لاکھوں مداحوں اور دوستوں نے اُنہیں اپنے اپنے انداز میں سالگرہ کی مبارکباد پیش کی تھی۔

اس موقع پر سلمان خان اور کترینہ کیف کے قریبی دوست نے ایشلے ریبیلو اپنے انسٹاگرام اکاؤنٹ پر اداکارہ کے لیے خصوصی اسٹوری شیئر کی تھی۔

ایشلے ریبیلو نے اپنی انسٹاگرام اسٹوری میں کترینہ کیف کی ایک تصویر شیئر کی تھی جس میں وہ سفید رنگ کے دلہن کے لباس میں ملبوس تھیں۔

اداکارہ کے دوست نے اپنی انسٹاگرام اسٹوری میں انہیں سالگرہ کی مبارکباد دیتے ہوئے لکھا تھا کہ یہ تصویر بہت جلد حقیقت ہوسکتی ہے۔

ایشلے ریبیلو کی انسٹاگرام اسٹوری سے واضح ہورہا ہے کہ کترینہ کیف بہت جلد وکی کوشل کے رشتۂ ازدواج میں منسلک ہونے والی ہیں۔

دوسری جانب کترینہ کیف نے ایشلے ریبیلو کی انسٹاگرام اسٹوری پر ردّعمل دیتے ہوئے اُن کا شکریہ ادا کیا۔

واضح رہے کہ کترینہ کیف نے 2003 میں فلمی سفر کا آغاز کیا، اس دوران انہوں نے بالی ووڈ کے تینوں خانوں کے ساتھ فلمیں کیں لیکن ان کی جوڑی کو سلمان خان اور رنبیر کپور کے ساتھ زیادہ سراہا گیا ہے۔