ہمیں اپنے شہروں اور دیہاتوں کی صفائی ستھرائی کو یقینی بنانا چاہیئے، ناصر حسین

اسفا سروت

16th Jul, 2021. 07:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں اپنے شہروں اور دیہاتوں کی صفائی ستھرائی کو یقینی بنانا چاہیئے، ناصر حسین

وزیراطلاعات سندھ سید ناصر حسین شاہ کا کہنا ہے کہ ہمیں اپنے شہروں اور دیہاتوں کی صفائی ستھرائی کو یقینی بنانا چاہیئے۔

تفصیلات کے مطابق وزیراطلاعات سندھ سید ناصر حسین شاہ نے عیدالاضحیٰ کے موقع پر بلدیاتی اداروں کو ہدایات دی کہ تمام بلدیاتی ادارے آلائشوں کو ٹھکانے لگانے کا کانٹی جنسی پلان بنا کر محکمہ سے شیئر کریں۔

انہوں نے کہا کہ عید الاضحیٰ کے موقع پر قربان کیے جانے والے جانوروں کی آلائشوں کو بروقت ٹھکانے لگایا جائے، آلائشیں ٹھکانے لگانے کیلئے ضروری مشینری کا بندوبست کیا جائے۔

ناصر حسین شاہ نے کہا کہ جن مقامات پر قربانی کی جائے وہاں پر صفائی ستھرائی کر کے چونا چھڑکا جائے، یہ سال وبائی امراض کا ہے اس لئے صفائی ستھرائی کا خاص خیال رکھا جائے، جراثیم کش ادویات اور کیمیکل کی خریداری کو بھی بروقت کیا جائے۔

وزیراطلاعات سندھ سید ناصر حسین شاہ نے مزید کہا کہ بلدیاتی ادارے اپنے اپنے علاقوں میں صفائی کی مانیٹرنگ کیلئے کمیٹیاں تشکیل دیں، جانوروں کی قربانی کے وقت مویشی مالکان اور قصاب حضرات کورونا ایس او پیز کا خاص خیال رکھیں، ایس او پیز پر عملدرآمد کر کے ہی کورونا وائرس کے پھیلاؤ کو روکا جاسکتا ہے۔