توند اور امراض قلب کے مسائل ہر عمر میں درپیش رہتے ہیں لیکن ایک تحقیق سے معلوم ہوا ہے کہ اس طرح کے مسائل اور بیماریوں کا شکار درمیانی عمر کے لوگ زیادہ ہوتے ہیں۔

اگر آپ کا بھی تعلق درمیانی عمر  کے لوگوں سے ہے تو پریشان نا ہوں کیونکہ آج ہم آپ کو توند اور امراض قلب کی بیماری سے بچنے کے آسان طریقے بتائیں گے۔

تحقیق میں دریافت کیا گیا ہے کہ سالم اناج امراض قلب، پیٹ اور کمر کے حجم، ہائی بلڈ پریشر، بلڈ شوگر لیول اور نقصان دہ چربی کے ذرات جیسے خطرات بڑھانے والے 5 عناصر پر اثرانداز ہوتا ہے۔

سالم اناج پر مبنی غذاؤں میں دلیا، براؤن بریڈ، براؤن چاول، جو اور باجرے سمیت متعدد دیگر شامل ہیں۔

اناج کی یہ قسم میں پراسیس اناج کے مقابلے میں زیادہ صحت بخش ہوتی ہے کیونکہ اس کی باہری تہہ فائبر سے بھرپور ہوتی ہے جبکہ اندر بی وٹامنز، اینٹی آکسائیڈنٹس اور صحت کے لئے مفید چکنائی جیسے اجزاء ہوتے ہیں۔

محققین کا کہنا تھا کہ ہمارے نتائج سے عندیہ ملتا ہے سالم اناج والی غذا کا استعمال صحت کے لئے خوراک کا حصہ ہونا چاہیے جس سے عمر بڑھنے کے ساتھ جسمانی وزن میں کمی یا اسے مستحکم رکھنا ممکن ہوسکے گا۔

ماہرین کا کہنا ہے کہ جو لوگ سالم اناج کا زیادہ استعمال کرتے ہیں وہ بلڈ شوگر اور بلڈ پریشر کو عمر گزرنےکے ساتھ مستحکم رکھ پاتے ہیں اور ان عناصر کی روک تھام سے امراض قلب سے بھی تحفظ ملتا ہے۔

ان کا کہنا تھا کہ سالم اناج سے لوگوں کو اپنے جسمانی وزن کو مستحکم رکھنے اور دیگر امراض کا خطرہ کم کرنے میں مدد ملتی ہے، کیونکہ اس میں غذائی فائبر، میگنیشم، پوٹاشیم اور اینٹی آکسائیڈنٹس وغیرہ بلڈ پریشر کو کم رکھنے میں ممکنہ کردار ادا کرتے ہیں۔

[amazonad category=”Auto”]ا