پٹرول اور ایل پی جی کے بعد عوام کو ایک اور جھٹکا، سی این جی مہنگی کر دی گئی ہے۔

تفصیلات کے مطابق حکومت کی طرف سے ٹیکسوں کی شرح میں اضافے کے بعد سی این جی 18 روپے لیٹر مہنگی کر دی گئی ہے۔

سی این جی ایسوسی ایشن کا اس ضمن میں کہنا ہے کہ حکومت کی جانب سے ایل این پر 12 فی صد جی ایس ٹی بڑھا دیا گیا ہے، مہنگے داموں سی این جی خرید کر ہمیں دی جا رہی ہے، پنجاب اور کے پی کے میں سی این جی کی قیمت 88 روپے سے بڑھ کر 106 سے 109 روپے لیٹر ہو جائے گی۔

سی این جی ایسوسی ایشن کے گروپ لیڈر عبداللہ پراچہ نے کہا ہے کہ سی این جی کی قیمت بڑھنے سے مالکان مشکلات اور گیس گاڑی مالکان کی قوت خرید سے باہر ہو جائے گی، سی این جی سیکٹر کے تباہ ہونے کا خدشہ ہے جس میں اربوں روپوں کی کثیر سرمایہ کاری ڈوب جائے گی، مسئلے کو حل کرنے کے لئے وفاقی حکومت سے رابطے کیا جائے گا۔

غیاث پراچہ نے مزید کہا ہے کہ اس وقت پنجاب میں سی این جی کی قیمت 88.21 روپے لٹر ہے، سندھ میں سی این جی 30 روپے کلو مزید مہنگی ہو سکتی ہے، اگر حکومت نے اپنے فیصلے پر نظرثانی نہ کی تو تین ہزار سی این جی اسٹیشن بند ہو جائیں گے اور ایل این جی پر عائد 17 فی صد سیلز ٹیکس ختم نہ کیا گیا تو 20 لاکھ گاڑیاں اور 4 لاکھ ملازمین بے روزگار ہو جائیں گے۔