محرم حج کا ارادہ رکھتا ہو تو خاتون تنہا اپنی درخواست منسوخ نہیں کرواسکتیں

وریشہ مسعود

06th Jul, 2021. 05:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محرم حج کا ارادہ رکھتا ہو تو خاتون تنہا اپنی درخواست منسوخ نہیں کرواسکتیں

وزارت حج و عمرہ نے کہا ہے کہ محرم حج کا ارادہ رکھتا ہو تو خاتون تنہا اپنی درخواست منسوخ نہیں کرواسکتیں۔

تفصیلات کے مطابق وزارت حج و عمرہ نے اپنے ایک بیان میں کہا کہ حج کی درخواست دینے والی وہ خاتون جس کے ساتھ محرم بھی موجود ہے، وہ تنہا اپنی درخواست منسوخ نہیں کرسکتیں۔ اسی طرح وہ مرد جو کسی خاتون کے ساتھ محرم کے طور پر درخواست جمع کرا چکے ہیں وہ تنہا اپنی درخواست منسوخ نہیں کر سکتے۔

وزارت حج و عمرہ نے ایک سوال کے جواب میں واضح کیا کہ جس خاتون کی محرم کے ساتھ درخواست منظور ہوئی ہے، اگر وہ ارادہ بدل دے تو محرم کے ساتھ دونوں کی درخواست منسوخ ہو جائے گی۔ اسی طرح جو مرد بطور محرم درخواست جمع کراتا ہے اور بعد میں ارادہ بدل دیتا ہے تو اس کی درخواست خاتون کے ساتھ منسوخ ہو گی۔

واضح رہے کہ وزارت حج وعمرہ نے اس سے قبل کہا تھا کہ تنہا خواتین بغیر محرم کے حج کی درخواستیں دے سکتی ہیں، انہیں خواتین کے گروپ میں شامل کیا جائے گا۔