صدر آل پاکستان پرائیویٹ اسکولز فیڈریشن کاشف مرزا نے کہا کہ آن لائن تعلیم کی سہولت رکھنے والے اسکولز آن لائن کلاسز کا انعقاد کریں گے۔

تفصیلات کے مطابق صدر آل پاکستان پرائیویٹ اسکولز فیڈریشن کاشف مرزا نے کہا کہ رواں سال ملک بھر کے پرائیویٹ اسکولز میں مزید تعطیلات نہیں ہونگی۔

انہوں نے کہا کہ مسلسل تعلیمی ادارے بند کرکےپانچ کروڑ طلبا کا گزشتہ 18 ماہ سےتعلیمی نقصان کا ازالہ ناممکن ہے ، اسکولز بند اورامتحانات ملتوی کرنے کی تجویز مستردکرتے ہیں ، 50 لاکھ طلباکے مستقبل کے لیےامتحانات شیڈول کےتحت ہرصورت لیے جائیں۔

صدر آل پاکستان پرائیویٹ اسکولز فیڈریشن کاشف مرزا نے کہا کہ سیاستدانوں کو اگربچوں کےمستقبل کااحساس ہے تواپنی سیاسی جلسے جلوس ملتوی کر دیں ، سندھ بلوچستان میٹرک اوراے او لیول کے امتحانات ہوئے ہیں ، اگر صوبوں کے 50 لاکھ طلبا کاامتحان ملتوی ہواتو یہ امتیازی سلوک ہوگا ، جو بچے ابھی امتحان نہیں دے سکتے ہیں انکے لیے ستمبر یا اکتوبر میں امتحان دینے کا آپشن موجود ہے۔