رضا ربانی کا کہنا ہے کہ حکومتی اقدامات نے عام آدمی کی کمر توڑ کر رکھ دی ہے۔

تفصیلات کے مطابق سابق چیئرمین سینیٹ رضا ربانی نے اپنے جاری کردہ بیان میں کہا ہے کہ بجٹ کی منظوری کے بعد حکومت نے تیسری بار پیٹرولیم مصنوعات کی قیمتوں میں اضافہ کیا ہے، ہم پیٹرولیم مصنوعات کی قیمتوں میں اضافے کی مذمت کرتے ہیں۔

ان کا کہنا ہے کہ پیٹرولیم مصنوعات کی قیمتوں میں اضافے کے بعد ٹرانسپورٹ کے کرائے میں اضافہ ہو گا اور سبزیوں کی قیمتوں میں مزید اضافہ ہوگا۔

انھوں نےمزید کہا ہے کہ حکومت نے آئی ایم ایف سے پیٹرولیم لیوی 30 روپے تک بڑھانے کا اتفاق کر رکھا ہے، اس سال پیٹرولیم لیوی سے حکومت 510ارب اور آئندہ سال 607ارب روپے اکٹھے کرنا چاہتی ہے۔