وزیر توانائی سندھ امتیاز شیخ نے کہا ہے کہ غیر ملکیوں کی جان و مال کا بھرپور تحفظ کیا جائے گا۔

تفصیلات کے مطابق وزیر توانائی سندھ امتیاز شیخ نے اپنے ایک بیان میں کہا کہ تھر کول میں ہونے والا واقعہ انتہائی افسوس ناک ہے، متاثرہ خاندان کے ساتھ میں ، اراکین اسمبلی اور پارٹی عہدیداران رابطے میں ہیں۔

[amazonad category=”Mobile”]

وزیر توانائی سندھ نے کہا کہ حکومت کی ہدایت پر مقتول کے بھائی کی مدعیت میں ایف آٸی آر درج کی گئی، مقتول کے بھائی نے جن افراد کو ایف آٸی آر میں نامزد کیا انہوں نے اگلے روز ہاٸی کورٹ قبل از وقت گرفتاری ضمانت لے لی اور ان تمام افراد کو انکواٸری میں شامل تفتیش کیا گیا ہے۔

امتیاز شیخ نے یہ بھی کہا کہ تھرکول پروجیکٹ کی سیکورٹی کمپنی کے خلاف بھی انکواٸری شروع کردی گٸی ہے جبکہ چیئرمین بلاول بھٹو نے واقع کا سخت نوٹس لیا ہے اور جلد ہی چیٸرمین اور وزیر اعلیٰ کو انکوٸری رپورٹ پیش کردی جائے گی۔

وزیر توانائی سندھ کا کہنا تھا کہ متاثرہ خاندان کو مکمل انصاف فراہم کیا جائے گا جبکہ ذمہ داروں کو کفیر کردار تک پہنچایا جائے گا۔

امتیاز شیخ کا یہ بھی کہنا تھا کہ سندھ حکومت متاثرین کے ساتھ ہے مالی امداد کے سات دیگر سہولیات بھی فراہم کی جائے گی۔

وزیر توانائی سندھ امتیاز شیخ کا مزید کہنا تھا کہ تھر کول منصوبہ سی پیک پروجیکٹ کا حصہ ہے،منصوبے کو سبوتاز کرنے کی سازش کامیاب نہیں ہونے دینگے۔