رضا باقر کا کہنا ہے کہ پاکستان کو ایف اے ٹی ایف کی گرے لسٹ سے نکالنے کے لئے اقدامات کر رہے ہیں۔

تفصیلات کے مطابق  گورنر اسٹیٹ بینک آف پاکستان ڈاکٹررضا باقر نے  واشنگٹن میں موجود پاکستانی سفارت خانے میں صحافیوں سے بات چیت کرتے ہوئے کہا ہے کہ ہمیں پہلے خدشہ تھا کہ کہیں  پاکستان گرے کے بجائے بلیک لسٹ میں نہ آ جائے، اسٹیٹ بینک کا ترمیمی بل پہلی بار متعارف نہیں کروایا گیا ہے اس سے پہلے 5 باراسٹیٹ بینک ترمیمی بل لایا گیا ہے۔

رضا باقر نے بات چیت کرتے ہوئے کہا ہے کہ ہم چاہتے ہیں کہ جو بل پاکستان کے فائدے میں ہو وہی پاس ہو،2015 میں بھی اسٹیٹ بینک ایکٹ پاس ہوا تھا جس میں مانٹری پالیسی کمیٹی تشکیل دی گئی تھی، وہ بل بھی خود مختاری کی طرف ایک قدم تھا۔

اسٹیٹ بینک آف پاکستان کی گورنر کا کہنا ہے کہ پاکستان ان چند ممالک سے  ہے جس نے کووڈ کے باوجود ڈیبٹ ٹو جی ڈی پی بڑھنے نہیں دیا جبکہ بعض ممالک میں یہ شرح صرف ایک برس میں  10 فیصد بڑھ گئی ہے۔

ان کا کہنا ہے کہ آئی ایم ایف سے اچھے انداز میں مذاکرات چل رہے ہیں، آئی ایم ایف کے اہداف ہمارے بھی اہداف ہیں ان  اہداف میں  ٹیکس نادندگان کو ٹیکس نیٹ میں لانا شامل ہے۔

انھوں نے مزید کہا ہے کہ ہم قرض کو کم کرنے کی بھی کوشش ہے،دن کی دھاڑی والے افراد کو ہاوسنگ اور کنسٹریکشن میں روزگار کے مزید مواقع ملیں گے ،روشن ڈیجیٹل اکاونٹ سے بیرون ملک پاکستانیوں نے بھرپور فائدہ اٹھایا ہے اب تک ایک لاکھ 80 ہزار پاکستانی اس سے فائدہ اٹھا چکے ہیں، روز تقریبا  800 سے ایک ہزار نئے اکاونٹ کھل رہے ہیں، روشن ڈیجیٹل سے بیرون ملک پاکستانی اکاونٹ اور سرمایہ کاری کر سکتے ہیں۔