سعودی عرب :سانپ اور اژدہے بلوں سے نکل کر آبادی میں آگئے ،ویڈیو وائرل

کلثوم ہرا

23rd Jul, 2021. 11:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب :سانپ اور اژدہے بلوں سے نکل کر آبادی میں آگئے ،ویڈیو وائرل

سعودی عرب کے ساحلی شہر جازان میں مسلسل بارشوں کے بعد بڑی تعداد میں سانپ اور اژدہے بلوں سے نکل کر رہائشی آبادی میں آ گئے ،یہ ویڈیو سوشل میڈیا پر وائرل ہو گئی ہے۔

تفصیلات کے مطابق جازان ریجن میں بارش کے بعد بڑی تعداد میں سانپ اور اژدہے سیلابی پانی کے ساتھ بہتے ہوئے شہری آبادی کے قریب پہنچ گئے، اتنے زیادہ سانپوں کو دیکھ کر لوگوں میں خوف و ہراس پھیل گیا۔

اس سلسلے میں ایک ویڈیو سامنے آئی ہے، جس میں بڑی تعداد میں سانپوں اور ایک اژدہے کو رینگتے ہوئے دیکھا جا سکتا ہے۔

اہل علاقہ کا کہنا تھا کہ بارش کی وجہ سے قریبی وادی میں سیلابی کیفیت پیدا ہو گئی ہے، اور پانی سانپوں کے بلوں میں بھر جانے کے باعث بڑی تعداد میں سانپ پانی کے ساتھ بہتے ہوئے آبادی کے قریب پہنچ گئے۔

سانپوں کے باہر نکل آنے کی خبر علاقے میں جنگل کی آگ کی طرح پھیل گئی، علاقے کے رہائشیوں نے بتایا کہ لوگوں نے بڑی تعداد میں سانپوں کو مارا تاکہ وہ کسی کو نقصان نہ پہنچا سکیں۔

خیال رہے کہ ریجن میں بارشوں کا سلسلہ جاری ہے، لوگوں کو خدشہ ہے کہ سانپ نکلنے کا واقعہ دوبارہ بھی پیش آ سکتا ہے۔