اویس شاہ کا کہنا ہے کہ نااہل خان صرف غریب کو مزید پریشان اور امیر کو زیادہ امیر کررہا ہے۔

تفصیلات کے مطابق وزیر ٹرانسپورٹ سندھ اویس شاہ  نے سندھ میں سی این جی مہنگی کرنے پر وفاق نے احتجاج کیا  اور مطالبہ کرتے ہوئے کہا ہے کہ دیگر چیزوں کی طرح سی این جی پر بھی وفاق سبسڈی دے، پہلے گیس کی فراہمی معطل کی پھر سندھ میں سی این جی 17 روپے مہنگی کردی،نا اہل ‏حکومتی فیصلوں سے اس سیکٹر میں بھی بندش اور ہزاروں ملازمین کے بےروزگار ہونے کا خدشہ سر اٹھارہا ہے۔

اویس شاہ  نے مطالبہ کیا ہے کہ گیس بندش کا ڈرامہ قیمتیں بڑھانے کے لئے تھا،سی این جی کی قیمت میں اضافے کا فیصلہ واپس لیا جائے۔

انھوں نے کہا ہے کہ سی این جی مہنگی امپورٹ کی گئی اور انکی کمیشن مافیا کی ہٹ در ھمی کےباعث یہ کیا گیا ہے، اس اضافے سے کیا کرائے اور مہنگائی میں اضافہ نہیں ہوگا؟، کیوں چپ ہیں انکے سارے ارسطو خان اور معیشت دان جنہیں سب اچھا نظر آتا ہے؟

وزیر ٹرانسپورٹ سندھ کا کہنا ہے کہ پیٹرول، بجلی ،گیس اور اب سی این جی سب میں اضافہ پھر کہتے ہیں غریب کے لئے خان سوچتا ہے، نااہل خان صرف غریب کو مزید پریشان اور امیر کو زیادہ امیر کررہا ہے، اس حکومت نے سندھ کے ساتھ ناانصافیوں کے ریکارڈ بنا دیئے ہیں۔

اویس شاہ نے مزید کہا ہے کہ وفاق سندھ کی عوام سے ہر روز اربوں روپےلوٹ رہا ہے اور دیتا صرف بڑے بڑے بیان ہے،پنجاب میں سی این جی سستی ہے, صرف سندھ میں مہنگی کردی گئی کیا ریاست مدینہ کی حکومت ایسی ہوتی ہے؟