وزیراعظم کے نمائندہ خصوصی طاہر محمود اشرفی نے کہا کہ سعودی عرب کے وزیر خارجہ نے مثبت پیش رفت کی یقین دہانی کروائی ہے۔

تفصیلات کےمطابق وزیراعظم کے نمائندہ خصوصی طاہر محمود اشرفی نے کہا کہ سعودی عرب کے وزیر خارجہ فیصل بن فرحان سے پاکستانیوں کی سعودی عرب واپسی کے حوالے سے ہر سطح پر بات چیت کی گئی ہے۔

طاہر محمود اشرفی نے کہا کہ وزیر اعظم اور وزیر خارجہ نے سعودی عرب کے وزیر خارجہ فیصل بن فرحان کو پاکستانیوں کی مشکلات سے آگاہ کیا۔

وزیراعظم کے نمائندہ خصوصی طاہر محمود اشرفی نے کہا کہ سعودی عرب میں کام کرنے والے پاکستانیوں کے حوالے سے فوری طور پر سفری سہولیات بحال کرنے پر تبادلہ خیال کیا گیا۔