پریش راول کا ہیرا پھیری 3 کے حوالے سے اہم اعلان، مداحوں میں خوشی کی لہر دوڑگئی

کلثوم ہرا

19th Jul, 2021. 09:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پریش راول کا ہیرا پھیری 3 کے حوالے سے اہم اعلان، مداحوں میں خوشی کی لہر دوڑگئی

معروف بھارتی اداکار پریش راول نے مشہورِ زمانہ کامیڈی فلم ہیرا پھیری کے دوسرے سیکوئل ‘ہیرا پھیری 3’ سے متعلق تذکرہ کرتے ہوئے مداحوں کو جلد خوشخبری کا عندیہ دیا ہے۔

غیر ملکی خبر رساں ادارے کے مطابق پریش راول نے حال ہی میں بھارتی میڈیا کو انٹرویو دیتے ہوئے کہا کہ ہیرا پھیری 3 پر کام جاری ہے، امید ہے کہ رواں سال کے آخر تک مداح اس حوالے سے خوشخبری سن سکیں گے۔

2018 میں معروف ہدایتکار اندرا کمار نے ٹوئٹر پر تصدیق کی تھی کہ فلم ہیرا پھیری 3 پر کام شروع ہونے جارہا ہے جس کے بعد مداحوں کو اس کا بے صبری سے انتظار تھا۔

خبریں تھیں کہ اکشے کمار فلم کا زیادہ معاوضہ طلب کررہے ہیں جس کے باعث ان کی جگہ ابھیشیک بچن کو کاسٹ کیا جائے گا، بعدازاں اکشے کمار کو ہی فلم کا حصہ بنانے کا فیصلہ کیا گیا۔

خیال رہے کہ بالی وڈ کی مقبول ترین فلم ‘ہیرا پھیری’ کو 2000 میں ریلیز کیا گیا تھا جس کی کامیابی کے بعد اس کا سیکوئل ‘پھر ہیرا پھیری’ 2006 میں ریلیز ہوا، فلم میں اداکار اکشے کمار، پریش راول اور سنیل شیٹی نے مرکزی کردار ادا کیے تھے۔