بھارتی اداکارا اور فلمساز تنو آنند نے بالی ووڈ کے معروف اداکار امیتابھ بچنکے حوالے سے اہم انکشاف کر دیا۔

اداکار اور فلمساز تنو آنند نے کہا ہے کہ کسی فلم کے لیے بطور ڈائریکٹر کام کرنا کوئی آسان بات نہیں۔

[amazonad category=”Auto”]

ایک حالیہ انٹرویو میں تنو آنند نے انکشاف کیا کہ جب کبھی انھوں نے اور امیتابھ بچن نے کسی فلم میں ساتھ کام کیا تو ان کے درمیان اکثر بحث و تکرار ہوجاتی تھی اور بہت کم ہی آپس میں کسی بات پر اتفاق ہوتا تھا۔

آنند نے کہا کہ امیتابھ انھیں ضدی اور اکھڑ کہا کرتے تھے، جبکہ ان دونوں کے درمیان کالیہ فلم کے ایک ڈائیلاگ کی لائن پر تو شرط لگ گئی تھی۔

آنند نے بتایا کہ میرے والد رات تین بجے تک اس پر کام کرتے رہے اور بالآخر میں نے اس کو پسند کیا۔ صبح سات بجے جب امیتابھ سیٹ کے لیے اپنا میک اپ کروارہے تھے تو میں نے یہ ڈائیلاگ پڑھ کر سنائے جس پر امیتابھ نے کہا کہ وہ یہ ڈائیلاگ ادا نہیں کریں گے۔

کچھ دیر بعد اس کے باوجود کہ وہ اپنا ذہن بناچکے تھے کہ وہ یہ نہیں کرینگے۔ تاہم میں نے انھیں کہا کہ میں چاہتا ہوں کہ یہ شامل ہو، اس سے فلم بین خوش ہونگے اور فلم کامیاب ہوگی، اور بعد میں ایسا ہی ہوا۔

واضح رہے کہ تنو آنند نے بالی ووڈ کے چوٹی کے اداکاروں جیسے رشی کپور، امیتابھ بچن اور ششی کپور کے ساتھ کام کیا ہے اور انھیں اپنے اسٹارز کے ساتھ کام کے دوران کافی مشکلات کا سامنا رہا۔