خواجہ سعد رفیق کا کہنا ہے کہ آٸی ایم ایف کی ڈکٹیشن کے حساب سے ملک کو چلایا جا رہا ہے۔

تفصیلات کے مطابق مسلم لیگ ن کے رہنما خواجہ سعد رفیق نے میڈیا سے گفتگو کرتے ہوئے کہا ہے کہ آزاد کشمیر الیکشن کا انحصار الیکشن کمیشن پر ہے اگر الیکشن کمیشن وفاقی حکومت کی مداخلت روکنے میں کامیاب رہی تو الیکشن ن لیگ کا ہے، کشمیری اچھی طرح سمجھتے ہیں کہ کون ووٹ کا حقدار ہے، کشمیری بہت سیاسی شعور رکھتے ہیں۔

ان کا کہنا ہے کہ احتساب عدالت فیڈرل لاجز کی جگہ پر بنی ہیں، پارلیمینٹرین کے رکنے کی جگہ بھی چھین لی گئی ہے، ن لیگ ایک ہی ہے اس میں کوٸی پھوٹ نہیں ہے۔

مسلم لیگ ن کے رہنما نے کہا ہے کہ بجٹ بھی جعلی تھا اس کے بعد کٸی بجٹ آنے ہیں، وقت آ گیا ہے کہ لوگ جاگ جاٸیں، عدالتوں کا احترام ہے مگر عدالتوں کے لیے مناسب جگہ کا انتظام کرنا چاہیے تھا، یہ احتساب کا دو نمبر نظام نہیں چلے گا۔

انھوں نے مزید کہا ہے کہ کورونا ویکسین معمہ بن چکی ہے، اربوں کی امداد ملی تھی جس سے دوسرے ممالک سے معاہدے ہونے چاہیے تھے، ویکیسن پرائیویٹ بھی دی جانی چاہیے تھی تاکہ امیر لوگ پیسے دے کر لگوا لیتے، ڈینگی کے مریض آرہے وہ کام جو ہونا چاہیے تھا وہ نہیں ہوا۔