پاکستان شوبز انڈسٹری کی معروف اداکارہ اقراء عزیز نے بتا دیا کہ انہوں نے کب سے اور کیسے اداکاری کی دنیا میں قدم رکھا تھا۔

حال ہی میں اداکارہ نے ایک انٹرویو دیا جس کی ویڈیو سوشل میڈیا پر گردش کر ر ہی ہے۔

 [amazonad category=”Electronics”]

انٹرویو میں اداکارہ نے بتایا کہ وہ بہت چھوٹی سی عمر سے ہی اداکاری کا شوق رکھتی تھیں اور اپنی والدہ کا دوپٹہ لے کر اُن سے ساڑھیاں باندھا کرتی تھیں اور بھارتی فلموں کے گانوں پر ڈانس کیا کرتی تھیں، وہ ساڑھی باندھ کر شیشے کے سامنے اداکاری کیا کرتی تھیں۔

اقراء عزیز کا بتانا ہے کہ وہ دسویں کلاس میں تھیں جب وہ پاکستان ڈرامہ انڈسٹری میں آئیں۔

اداکارہ نے بتایا کہ اُس وقت انہیں یہ بھی معلوم نہیں تھا کہ یہ شعبہ کیسا ہے، اس کے بارے میں لوگ کیا سوچتے ہیں، اس شعبےکو غلط کہا جاتا ہے یا اچھا مانا جاتا ہے، انہیں شوبزانڈسٹری سے متعلق یہ بھی پتا نہیں تھا۔

انہوں نے کہا کہ جب وہ اس شعبے میں آئیں تو اُن کے گھر والوں کا بس اتنا ماننا تھا کہ اُن کی بیٹی کو اداکاری کا شوق ہے وہ یہ کام کرنا چاہتی ہیں، اُن کی بیٹی کی یہ خواہش ہے جسے وہ پورا کرنا چاہتی ہیں۔

یاد رہے اقراء عزیز اور یاسر حسین کی جانب سے سوشل میڈیا پر اعلان کیا تھا گیا کہ ان کے ہاں رواں ماہ جولائی میں پہلے بچے کی آمد متوقع ہے۔

واضح رہے کہ یاسر حسین نے اقراء عزیز سے اظہارِ محبت 2019ء کے ایک ایوارڈ شو میں کیا تھا جس کے بعد دونوں نے سال 2019ء کی 28 دسمبر کو شادی کر لی تھی۔