پی ٹی آئی کراچی کے ترجمان جمال صدیقی نے کہا ہے کہ پی پی کے وزراء نابینا ہوچکے ہیں۔
تفصیلات کے مطابق پی ٹی آئی کراچی کے ترجمان جمال صدیقی نے وزیر اطلاعات سندھ ناصر حسین شاہ کے بیان پر ردعمل دیتے ہوئے کہا کہ جھوٹی اطلاع و افواہیں پھیلانے والے وزیر اطلاعات نے سیاست کرنے کیلئے عید الاضحی کو بھی نہیں بخشا۔
پی ٹی آئی کراچی کے ترجمان نے کہا کہ وزیر اعظم کی قیادت میں نوجوان خودمختار اور غلامی سے آزاد ہے۔
جمال صدیقی نے یہ بھی کہا کہ ناصر شاہ وفاقی مشیروں کو مشورہ دینے سے پہلے خود اپنے مشورے پر عمل کریں، ناصر شاہ اور پی پی کے وزراء خود دن رات جھوٹ پر مبنی سیاست کرتے ہیں۔
پی ٹی آئی کراچی کے ترجمان کا کہنا تھا کہ ناصر شاہ کا آبائی حلقہ سکھر بارشوں میں گندے پانی میں ڈوبا ہوا ہے۔
Advertisement
جمال صدیقی کا یہ بھی کہنا تھا کہ ناصر شاہ کا خوفزدہ نہ ہونے کا بیان خوف کی ہی علامت ہے، ناصر شاہ کی وجہ سے ان کے حلقے کے عوام عید کے موقع پر بھی پریشانی میں مبتلا ہیں۔
پی ٹی آئی کراچی کے ترجمان جمال صدیقی کا مزید کہنا تھا کہ پی پی کے وزراء نابینا ہوچکے ہیں ملکی ترقی دکھائی نہیں دیتی، سندھ کے عوام کو عالمی سطح پر بدنام کرنے والوں کو شرمندہ ہونے کی ضرورت ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
