ترجمان پیپلزپارٹی فیصل کریم کنڈی نے کہا کہ علی امین گنڈاپور نے آزاد کشمیر کے ماحول میں گندگی پھیلائی۔

تفصیلات کے مطابق ترجمان پیپلزپارٹی فیصل کریم کنڈی نے کہا کہ آزاد کشمیر انتخابات میں وفاق کی مداخلت نے الیکشن کمیشن کو بے بس کردیا تھا۔

انہوں نے کہا کہ پیپلزپارٹی کے ایم ایل اے کٹھپتلی حکومت کو جمہوریت کے آداب سکھائیں گے ، شیخ رشید اور فواد چودھری جیسے خانہ بدوش اپنے مستقبل کی فکر کریں۔

ترجمان پیپلزپارٹی فیصل کریم کنڈی نے کہا کہ  بے شمار رکاوٹوں کے باوجود پیپلز پارٹی آپوزیشن کی بڑی پارٹی کے طور  سامنے آئی ہے ، پی ٹی آئی کی کھوکھلی اکثریت کا بہت جلد بھانڈہ پھوٹ جائے گا۔