مداح نے میری وجہ سے خودکشی کی کوشش کی تھی، شائستہ لودھی

کلثوم ہرا

03rd Jul, 2021. 07:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مداح نے میری وجہ سے خودکشی کی کوشش کی تھی، شائستہ لودھی

میزبان اور اداکارہ شائستہ لودھی نے اپنی ایک مداح کے حوالے سے ایک قصہ سنایا ہے۔

شائستہ لودھی نے حال ہی میں اپنے ایک انٹرویو میں زندگی میں پیش آنے والے ایک ڈراؤنے واقعے سے متعلق بتایا کہ ایک لڑکی تھی وہ مجھے صبح دوپہر شام فون پر بہت تنگ کیا کرتی تھی، اسے پتہ ہوتا تھا کہ میں کہاں ہوں، کیا کر رہی ہوں اور لی گئی تمام تصاویر اس کے پاس ہوتی تھیں۔

[amazonad category=”Electronics”]

انہوں نے کہا کہ وہ بہت ہی عجیب قسم کی مداح تھی، اس نے ایک بار مجھے فون کیا تو میں نے تھوڑا سا ڈانٹ دیا کہ میری اپنی زندگی ہے آپ مجھے اتنا تنگ کرتی ہیں تو اس لڑکی نے کچھ گولیاں وغیرہ کھاکر خودکشی کرنے کی کوشش کی جس کے بعد وہ نجی اسپتال کی ایمرجنسی میں داخل ہوئی۔

شائستہ کا کہنا تھا کہ وہاں سے مجھے اس کی والدہ کا فون آیا، وہ وقت ایسا تھا کہ میں بے حد ڈر گئی تھی، میں تین چار دن تک اس کی والدہ کو فون کرتی رہی، اس کی حالت کے حوالے سے پوچھتی رہی۔

انٹرویو کے دوران اداکارہ کا کہنا تھا کہ مداحوں کی ذمہ داری ہوتی ہے کہ وہ ہم لوگوں کو زیادہ تنگ نا کریں لیکن ہمارا فرض ہے کہ اگر کوئی ہم سے پیار کرتا ہے تو اسے طریقے سے سمجھائیں کیونکہ آپ جس بھی حالت یا کنڈیشن میں ہوں مداح نہیں سمجھتے۔

اداکارہ نے مزید کہا کہ ایک وقت میں انسان کو آرٹسٹ ہی ہونا چاہئیے اور بہت سی دوسری چیزیں نہیں ہونی چاہئیں۔