وزیرخارجہ شاہ محمود قریشی نے کہا کہ سندھ میں آئندہ اقتدار پی ٹی آئی کا ہوگا۔

تفصیلات کے مطابق وزیرخارجہ شاہ محمود قریشی نے اپنے ایک بیان میں کہا کہ پیپلزپارٹی ذوالفقار علی بھٹو والی پارٹی نہیں بلکہ زرداری والی پارٹی بن چکی ہے۔

وزیرخارجہ نے کہا کہ ذوالفقار علی بھٹو کے نظریات دفن ہو چکے ہیں، پیپلز پارٹی کو سندھ میں حکومت کرتے آج 12واں سال ہے۔

شاہ محمود قریشی نے یہ بھی کہا کہ اندرون سندھ کے حالات انتہائی ناگفتہ بہہ ہیں، سندھ میں کرپشن آسمان کو چھو رہی ہے ہر ادارے میں کرپشن کی گنگاہ بہہ رہی ہے اور ان حالات میں آپ ترقی کے جتنے مرضی نعرے لگائیں ان خالی نعروں میں وزن نہیں رہتا۔

[amazonad category=”Electronics”]

وزیرخارجہ کا کہنا تھا کہ آئندہ انتخابات میں پی پی کا سندھ سے بھی صفایا ہو جائے گا اور سندھ میں آئندہ اقتدار پی ٹی آئی کا ہوگا۔

شاہ محمود قریشی کا یہ بھی کہنا تھا کہ تحریک انصاف کی حکومت کو اقتدار ملا تو بہت سے بحران ورثے میں ملے، ہم نے معیشت کو سہارا دیا اور اب ہم اللہ کے فضل و کرم سے گروتھ کی جانب بڑھ رہے ہیں۔

وزیرخارجہ نے کہا کہ آج ترسیل زر کی شرح ایکسپورٹ کی شرح سے تجاوز کر گئی ہے، ہم برابری کی بنیاد پر تعلقات مستحکم کرنا چاہتے ہیں۔

شاہ محمود قریشی نے یہ بھی کہا کہ بیرون ملک پاکستانی ہمارا قیمتی سرمایہ ہیںوہ ملکی معاشی ترقی میں اہم کردار ادا کررہے ہیں، ہم انہیں ووٹ کا حق دینا چاہتے ہیں لیکن اپوزیشن اس راستے میں روپکاوٹ بن رہی ہے۔

وزیرخارجہ شاہ محمود قریشی نے مزید کہا کہ ہمیں افغان عوام کی تکلیف کا احساس ہے۔ افغانستان میں امن کا قیام ہماری اولین ترجیح ہے، افغانستان میں قیام امن سے پورا خطہ مستفید ہوگا۔