معروف اداکارہ ایلسن میک کو عدالت کی جانب سے قید کی سزا سنا دی گئی ہے۔

غیر ملکی خبر رساں ادارے کے مطابق اداکارہ ایلسن میک کو امریکی عدالت کی جانب سے متعدد خواتین کو پروفیشنل ٹریننگ دینے کی آڑ میں انہیں جنسی غلام بنائے جانے اور انہیں جسم فروشی کے لیے مجبور کرنے کے الزامات ثابت ہونے پر 3 سال قید کی سزا سنا دی گئی ہے۔

 [amazonad category=”Mobile”]

گزشتہ روز اداکارہ کو دوبارہ بروکلین کی عدالت میں پیش کیا گیا جہاں انہیں 3 سال قید کی سزا سنائی گئی تاہم اداکارہ کی قید کی سزا رواں برس ستمبر میں شروع ہونے کا امکان ہے جب کہ ان کے ساتھی کیتھ رنائر کے خلاف ٹرائل جاری ہے۔

یاد رہے کہ اداکارہ پر الزام تھا کہ انہوں نے متعدد نوجوان اور خوبرو کم عمر لڑکیوں اور خواتین کو پروفیشنل ٹریننگ دینے کی آڑ میں ایک کمپنی کے پاس بھیجا، جہاں خواتین کو کمپنی کے بانی کیتھ رنائر کی جانب سے جنسی غلام بنایا جاتا تھا۔

کیتھ رنائر نے ’نیگزوم‘ نامی ایک ملٹی لیول مارکیٹنگ ٹریننگ کمپنی بنا رکھی تھی، جس کا مقصد متعدد افراد کو پروفیشنل ٹریننگ فراہم کرنا تھا۔

واضح رہے کہ اپریل 2019 میں اداکارہ نے بروکلین کی وفاقی عدالت میں خود پر عائد الزام کو قبول کیا تھا۔

38 سالہ ایلیسن میک نے عدالت میں شرمندگی کا اظہار کرتے ہوئے اپنے اس فعل کو مکروہ، برا اور غیر قانونی تسلیم کیا تھا۔