عثمان ڈار کی وزیراعظم آزاد جموں و کشمیر  سردار عبد القیوم نیازی سے ملاقات ہوئی ہے۔

تفصیلات کے مطابق عثمان ڈار نے وزیراعظم آزاد جموں و کشمیر سردار عبد القیوم نیازی کو عہدہ سنبھالنے پر مبارکباد بھی دی ہے۔

عثمان ڈار کا کہنا تھا کہ آپ ایک منجھے ہوئے سیاستدان ہیں ، ہمیں یقین ہے کہ تحریک انصاف کی حکومت آزاد کشمیر میں تاریخ ساز ترقیاتی کام کروائے گی۔

ان کا کہنا تھا کہ  کامیاب نوجوان پروگرام کے ذریعے آزاد کشمیر کے نوجوانوں کو روزگار فراہم کرنے کیلئے بھرپور تعاون فراہم کریں گے۔

 وزیراعظم آزاد جموں و کشمیر سردار عبد القیوم نیازی کا کہنا تھا کہ وزیراعظم پاکستان کے ویژن کے عین مطابق آزاد ریاست جموں و کشمیر میں ترقیاتی کام کروائیں گے۔

 ان کا مزید کہنا تھا کہ رول آف لاء میری پہلی ترجیح ہو گی جبکہ  آزاد کشمیر میں ترقی و خوشحالی کے نئے دور کا بھی آغاز کریں گے۔

 واضح رہے کہ وزیراعظم آزاد حکومت ریاست جموں و کشمیر سردار عبد القیوم نیازی نے معاون خصوصی عثمان ڈار کی نیک خواہشات کیلئے شکریہ بھی ادا کیا ہے۔