چھ سالہ بچی نے 1 منٹ میں 93 ایئرلائنز کے نام بتادیئے ،ویڈیو وائرل

کلثوم ہرا

03rd Aug, 2021. 12:37 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چھ سالہ بچی نے 1 منٹ میں 93 ایئرلائنز کے نام بتادیئے ،ویڈیو وائرل

شمالی بھارتی ریاست ہریانہ کی ایک چھ سالہ بچی نے سب کو حیران کردیا جب اس نے چند لمحوں میں 93 ائیرلائنز کو جہاز کی دم دیکھ کر شناخت کرلیا۔

غیر ملکی خبر رساں ادارے کے مطابق عالمی ریکارڈ قائم کرنے والی اس کمسن بچی کا نام ارنا گپتا ہے، ہریانہ کے علاقے پنچکلا کی اس بچی کی غیر معمولی یادداشت نے سب کو حیرت میں ڈال دیا۔

اس نے یہ ریکارڈ حال ہی میں قائم کیا جب اس نے 93 ایئرلائنز کے جہازوں کے ٹیل کو دیکھ کر ان کے نام بتائے، اس نے سو کے قریب یہ نام صرف ایک منٹ میں بتائے۔

اس حوالے سے انٹر نیشنل بک آف ریکارڈ نے اس لڑکی کی شاندار پرفارمنس پر مبنی ویڈیو شیئر کی ہے۔

اس بچی نے میڈیا اداروں سے گفتگو میں کہا کہ میں ہمیشہ یہ سب کچھ کرنا چاہتی تھی، میری والدہ مجھے زیادہ سے زیادہ چیزیں سیکھنے کی ترغیب دیتی تھیں، اور یہ ان کی ہی کوششیں تھیں جس کے باعث میں یہ سارے نام اور تفصیلات یاد رکھ پائی۔