وزیر خارجہ مخدوم شاہ محمود قریشی  ترکمانستان کے صدر قربان قلی بردی محمدوف سے  ملاقات کیلئے روانہ ہوگئے ہیں۔

تفصیلات کے مطابق وزیر خارجہ شاہ محمود قریشی اپنے چار ملکی دورے کے تیسرے مرحلے میں آج صبح ترکمانستان کے دارالحکومت اشک آباد پہنچیں  گے اور اسکے بعد  اشک آباد میں ترکمانستان کے صدر قربان قلی بردی محمدوف کے ساتھ ملاقات کریں گے۔

اس ملاقات میں دو طرفہ تعلقات، باہمی دلچسپی کے مختلف شعبہ جات میں دو طرفہ تعاون کے فروغ اور افغانستان کی بدلتی ہوئی صورتحال پر تبادلہ خیال ہو گا۔

واضح رہے کہ وزیر خارجہ کا یہ خصوصی دورہ افغانستان کی صورتحال کے تناظر میں علاقائی سطح پر متفقہ لائحہ عمل اپنانے کی عملی کاوشوں کا حصہ ہے۔