ندی میں گری خاتون کو بلی نے بچالیا

کلثوم ہرا

21st Aug, 2021. 12:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ندی میں گری خاتون کو بلی نے بچالیا

برطانیہ میں ایک پالتو بلی کی میاؤں نے اس کی 83 سالہ مالکن کو اس وقت بچالیا جب اس کی پکار سے مددگار عملہ کی توجہ اس خاتون کی طرف مبذول ہوئی۔

برطانیہ کے علاقے کورن ویل میں جب بوڑھی خاتون گھر سے نکلیں تو 70 فٹ نیچے ایک چشمے میں جاگریں۔

ان کی پالتو بلی بھی ان کے ساتھ تھی جو فوراً حادثے کے مقام پر دوڑی اور وہاں جاکر اپنی مخصوص آواز میں پکار شروع کردی۔

جب خاتون ایک گھنٹے تک واپس نہ آئیں تو پڑوسیوں نے مدگار اداروں سے رابطہ کیا۔

اس کے بعد پولیس نے خاتون کی تلاش شروع کردی انہیں ایک مقام پر بلی کی آواز سنائی دی جو نہ صرف تیز تھی بلکہ اس میں بے تابی کا عنصر بھی تھا۔

اس طرح ’پیرن‘ نامی بلی کی آواز سے پولیس خاتون تک پہنچنے میں کامیاب ہوگئی۔

ریسکیو عملے نے ہیلی کاپٹر ایمبولینس منگوائی اور خاتون کو فوری طور پر اسپتال پہنچایا گیا جہاں اب علاج کے بعد ان کی حالت خطرے سے باہر ہے۔

پولیس انتظامیہ کے مطابق بلی کی وجہ سے خاتون کا سراغ لگانے میں مدد مل سکی، اگر بوڑھی خاتون کی نشاندہی نہ ہوتی تو اس کے بہت افسوسناک نتائج برآمد ہوسکتے تھے۔

پولیس نے بلی کو اس واقعے کا ہیرو قرار دیا ہے اور اس کے احساس کی تعریف کی ہے۔