ہالی ووڈ کی فلموں میں مشہور ادارکاروں کی جوانی اور کم عمری کے کردارادا کرنے کے لئے ان ہی کی اولادوں کو شامل کیا گیا  جس سے فلم میں چار چاند لگ گئے ہیں۔

غیر ملکی میڈیا کے مطابق ماں یا باپ سے غیرمعمولی مشابہت کی بنا پر ہدایتکاروں نے مشہور اداکاروں کی اولادوں کو فلم میں رول دیا ہے جو بہت مقبول ہوئے ہیں۔

وہ کونسے اداکار یا اداکارہ کے بیٹے اور بیٹی ہیں جو ان فلموں میں بطور اداکار کام کرکے اس میں حقیقت کے رنگ بھرے گے۔

ایوننگ نامی فلم میں اداکارہ میرل اسٹریپ کی جوانی کو 1950 میں دکھانا تھا جس کے لئے ان کی بیٹی میمی گمر کو کاسٹ کیا گیا ہے، میرل کی بیٹی نے اداکاری کا تجربہ نہ ہونے کے باوجود عمدہ اداکاری کی اور داد وصول کی۔

وین ڈیزل کے بیٹے ونسنٹ سنکلیئر نے ان کے لڑکپن کا کردار ادا کیا اور یہ کردار انہوں نے فاسٹ اینڈ فیورس نائن میں ادا کیا ہے۔

بلیک پینتھر ایک مشہور فلم تھی جس میں اٹانڈا کینی کی جوانی کا کردار ان کے سگے بیٹے جان کینی نے ادا کیا جو بہت مقبول ہوا۔

کس کس بینگ بینگ ایک مشہور فلم تھی جس میں رابرٹ ڈونی جونیئر کا کردار ان کے بیٹے نے خوب نبھایا اور مشابہت کی بنا پر اسے بہت سراہا گیا۔

مشہورفلم شوشینک ریڈمپشن میں مورگن فری مین کی جوانی کا ایک شناخت نامہ دکھایا گیا ہے، یہ فلم اب تک آئی ایم ڈی بی پر پہلے نمبرپر ہے اور غیرمعمولی شہرت رکھتی ہے اس فلم میں ایک جرمیاتی شناخت نامہ دکھایا گیا ہے جس میں ان کے سگے بیٹے الفانسو کی تصویر لگی ہے۔

30 راک نامی ٹی وی سیریئل میں شادی کا ایک سین تھا جس میں ٹینا فے کا بچپن دکھانا تھا جس کے لئے ان کی بیٹی ایلس رچمنڈ کو دکھایا گیا جو ہوبہو اپنی والدہ کی کاربن کاپی تھی۔