اقوام متحدہ ورلڈ فوڈ پروگرام کے ایگزیکٹو ڈائریکٹر کی وزیراعظم عمران خان سے ملاقات ہوئی ہے۔

تفصیلات کے مطابق وزیراعظم عمران خان نے ورلڈ فوڈ پروگرام کے کام کو سراہا ہے۔

 وزیراعظم عمران خان کہنا ہے کہ ہنگامی حالات میں اقوام عالم کو خوراک کی فراہمی اور نیوٹریشن میں بہتری کے لیے ورلڈ فوڈ پروگرام کو سراہتے ہیں، ورلڈ فوڈ پروگرام کے بیشتر پراجیکٹس پاکستان میں چل رہا ہیں۔

وزیراعظم کا یہ بھی کہنا تھا کہ پاکستان ڈبلیو ایف پی کے ساتھ پارٹنرشپ کو اہمیت دیتا ہے۔

اسکے علاوہ ملاقات میں افغانستان میں بدلتی صورتحال پر بھی گفتگو ہوئی وزیر اعظم کا کہنا تھا کہ افغانستان میں مشترکہ حکومت اور عالمی برادری کا مثبت کردار ہی انسانی بحران سے بچا سکتا ہے۔

واضح رہے کہ ایگزیکٹو ڈائریکٹر ڈبلیو ایف پی نے ورلڈ فوڈ پروگرام کی افغانستان میں خوراک کی فراہمی کے لیے پاکستانی معاونت پر شکریہ بھی ادا کیا ہے۔