وزیراعظم آزاد کشمیر سردار عبد القیوم نیازی نے کہا کہ چالیس سالہ سیاسی کیریئر میں عوام کی خدمت ترجیح رہی ہے۔

تفصیلات کے مطابق وزیراعظم آزاد کشمیر سردار عبد القیوم نیازی نے وزیر اعظم ہاؤس کے دروازے عوام کیلئے کھلے رکھنے کا فیصلہ کیا اور کہا کہ ہفتے میں دو روز بدھ اور جمعرات عوامی وفود سے ملاقاتیں کروں گا۔

انہوں نے کہا کہ عوام نے بھاری مینڈیٹ کیساتھ مجھے قانون ساز اسمبلی میں بھیجا ، معزز ممبران اسمبلی نے مجھے بھرپور اعتماد کیساتھ وزیراعظم بنایا ، ہمیشہ کوشش رہی دکھی افراد کی مدد کروں ، مجھے ہمیشہ عوام نے اسی احترام اور عزت کیساتھ ہزاروں میں ووٹ دیے۔

وزیراعظم آزاد جموں وکشمیر سردار عبد القیوم نیازی نے کہا کہ اللہ پاک نے مجھے اقتدار عوام کی خدمت کیلئے دیا ، پوری کوشش کروں گا کہ دل و جان سے  وزیراعظم پاکستان عمران خان کے ویژن کے مطابق عوام کی خدمت کروں ، آزاد کشمیر میں میرٹ اور شفافیت کو یقینی بناؤں گا ، آزاد کشمیر کی عوام کے مسائل ان کی دہلیز پر حل کروں گا۔