وزیر توانائی پنجاب ڈاکٹر اختر ملک سے چئیرمین نیپرا توصیف ایچ فاروقی کی ملاقات ہوئی ہے۔

تفصیلات کے مطابق ملاقات میں توانائی کے متبادل ذرائع، نیو ٹیکنالوجی،  ویسٹ ٹو انرجی ، سولراور ہائیڈل کے پراجیکٹس پر منصوبہ بندی پر غور کیا گیا ہے۔

اختر ملک کہتے ہیں کہ پنجاب رواں سال اپنی گرڈ کمپنی پر کام شروع کردے گا جبکہ رواں سال پناہ گاہیں، ماڈل چلڈرن ہومز ، درباراور کالجز کو بھی سولر پر منتقل کر رہے ہیں۔

ان کا کہنا تھا کہ پنجاب کو سولر صوبہ کے تحت تمام سرکاری دفاتر اور عمارات کو بھی سولر پر منتقل کر رہے ہیں۔

واضح رہے کہ ملاقات میں نیٹ میٹرنگ کو پروموٹ کرنے پر بھی اتفاق کیا گیا ہے۔