گوگل امیج ایڈیٹر میں تصاویر کو چار چاند لگانے اور ایڈیٹنگ بہتر بنانے کے لئے متعدد فلٹرز اور ٹولز پہلے سے ہی موجود ہیں لیکن اب بہت جلد مصنوعی ذہانت کے نئے ٹولز پیش کیے جارہے ہیں جن کی مدد سے پرانی اور بلیک اینڈ وائٹ تصاویر کو حقیقی رنگوں سے بھرا جا سکتا ہے۔

اس کے علاوہ اب ازخود کولاج، اینیمیشن فلم اور اسٹائلش تصاویر بنانے کا آپشن بھی شامل کیا جارہا ہے جس کے لئے تصویر کے نیچے آپشنز رکھے جائیں گے جن میں روشنی بڑھانے اور تصویر کو گھمانے سمیت دیگر اہم فیچرز بھی ممکن ہوں گے۔

ااس ہی ساتھ گوگل فوٹو کے پروجیکٹ سربراہ ڈیو لائب کے مطابق ہمارے ٹولز کے ذریعے روزانہ پانچ ارب تصاویر ایڈٹ کی جاتی ہیں اور لوگ انہیں بہت پسند کرتے ہیں۔

اگوگل امیج ایڈیٹر میں بعض تبدیلیوں کو ایک کلک سے بہتر بنانے کے آپشن بھی شامل کیے گئے ہیں، اس میں شامل ایک ٹول کے ذریعے تصویر میں موجود شخص کے ساتھ اس کی نئی تصویر شیئر کی جاسکتی ہے۔

اس کے علاوہ ایک اور آپشن کلر پوپ کا بھی ہے جو پس منظر کے مقابلے میں تصویر کے اس حصے کو واضح کردیتا ہے جبکہ بیک گراؤنڈ کو گہرا یا سیاہ کردیتا ہے۔

گوگل امیج ایڈیٹر میں کلرائز ٹول بھی موجود ہیں جو آپ کی نایاب بلیک اینڈ وائٹ تصاویر کو بہت خوبصورتی اور مہارت سے رنگین بنادے گا، اس کے لئے گوگل ماہرین نے کمپیوٹر وژن اور مصنوعی ذہانت سے مدد لی ہے۔

نیورل نیٹ ورک تصویر میں ہر جگہ کی مناسبت سے رنگ بھرتا ہے، اگر سیاہ و سفید تصویر میں گھاس ہے تو سبز ہوجائے گی، انسانی چہرے پر بال سیاہ اور لباس پر اسی مناسبت سے رنگ شامل کرنا ممکن ہوگا۔