ترجمان ریلوے کا کہنا ہے کہ وزیر ریلوے محمد اعظم خان سواتی کی ہدایت پر قبضہ مافیا سے ریلوے کی قیمتی زمینیں واگزار کروانے کا سلسلہ جاری ہے۔

تفصیلات کے مطابق ترجمان ریلوے کا کہنا ہے کہ ڈویژنل سپرنٹنڈنٹ ورکشاپس افتخار حسین کی ہدایت پرڈویژنل انجینئرورکشاپس نے ریلوے پولیس اورآئی او ڈبلیو سٹاف کی مدد سے ریلوے کی 38 مرلہ قیمتی اراضی واگزارکروالی ہے۔

ترجمان ریلوے کا کہنا ہے کہ باجا لائن لاہور میں بلاک نمبر 840 اور 841 پر قائم غیرقانونی طور پر چنگ چی اور ٹرک پارکنگ سٹینڈ قبضہ مافیا سے واگزار کروا کے ریلوے نے اپنے قبضے میں لے لی ہے۔

ترجمان ریلوے کا کہنا ہے کہ قبضہ مافیا سے واگزار کروائی گئی زمین کی کل قیمت 1 کروڑ 90 لاکھ روپے بنتی ہے۔