ڈی ایچ او سینٹرل ڈاکٹر مظفر اوڈھو نے کہا ہے کہ  31 اگست تک جس نے ویکسین نہیں لگوائی اس کی سم بند ہوجائے گی۔

تفصیلات کے مطابق سندھ حکومت نے ویکسین نہ لگوانے والوں کی موبائل فون سم بند کرنے کے لیے نیشنل ڈیٹا بیس اینڈ رجسٹریشن اتھارٹی (نادرا) کو خط لکھ دیا ہے۔

ڈی ایچ او سینٹرل ڈاکٹر مظفر اوڈھو کا کہنا ہے کہ افسوس ہے لوگ سم بند ہونے کے ڈر سے ویکسین لگوانے آرہے تھے۔

ڈاکٹر مظفر اوڈھو کا  یہ بھی کہنا تھا کہ اب تک صوبے میں 80 لاکھ سے زائد لوگوں کو ویکسین لگائی جاچکی ہے۔

ڈی ایچ او سینٹرل ڈاکٹر مظفر اوڈھو کا  مزید کہنا ہے کہ 31 اگست سے پہلے لوگ ویکسین لگوالیں، 31 اگست تک جس نے ویکسین نہیں لگوائی اس کی سم بند ہوجائے گی۔