وزیراعظم کے معاون خصوصی برائے مذہبی ہم آہنگی حافظ طاہر اشرفی نے کہا کہ سوشل میڈیا پر کسی کو بھی مذہبی منافرت پھیلانے کی اجازت نہیں دی جائیگی۔

تفصیلات کے مطابق وزیراعظم کے معاون خصوصی برائے مذہبی ہم آہنگی حافظ طاہر اشرفی نے پریس کانفرنس کرتے ہوئے کہا کہ پوری قوم محرم الحرام میں امن وامان کے قیام اور بھارتی سازش کو ناکام بنائیں۔

انہوں نے کہا کہ یکساں تعلیمی نصاب پی ٹی آئی حکومت کا احسن اقدام ہے ، مدارس میں ایف اے اور دیگر تعلیمی اداروں میں پانچویں کلاس تک یکساں نصاب شروع کر دیا ہے ، کشمیر کے بعد سیالکوٹ میں کامیابی عوام کی عمران خان پر اعتماد کی دلیل ہے۔

وزیراعظم کے معاون خصوصی برائے مذہبی ہم آہنگی حافظ طاہر اشرفی نے کہا کہ عمران خان کشمیر کے وکیل ہیں اور جلد جموں و کشمیر پاکستان کا حصہ ہو گا ، طالبان کی حمایت نہیں کرتے لیکن کسی دوسرے کیلئے لڑیں گے بھی نہیں ، پاکستان اپنی سرزمین کسی کو استعمال نہیں کرنے دیگا۔