خاتون کا ایک سال قبل دریا میں گرا موبائل مل گیا

کلثوم ہرا

03rd Aug, 2021. 06:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خاتون کا ایک سال قبل دریا میں گرا موبائل مل گیا

جب قسمت ساتھ ہو تو ناممکن بھی ممکن ہوجاتا ہے، خاتون کا ایک سال قبل دریا میں گرا موبائل صحیح سلامت مل گیا۔

غیر ملکی خبر رساں ادارے کے مطابق امریکی ریاست جنوبی کیرولائنا میں ایک خاتون کو اپنی خوش قسمتی پر یقین نہ آیا جب انھیں یہ اطلاع ملی کی ان کا دریا میں گرا ہوا موبائل فون صحیح سلامت واپس مل گیا ہے۔

شین اسٹیفن نامی ایک غوطہ خور نے اس موبائل کو تلاش کیا، شین دریا اور ندیوں کی تہہ میں موجود اشیاء کو تلاش کرنے کے لئے اپنی مدد آپ کے تحت غوطہ خوری کرتے ہیں اور اپنی ویڈیو ٹک ٹاک اور یوٹیوب پر شیئر بھی کرتے ہیں۔

اس غوطہ خور نے بتایا کہ جب وہ دریا سے کھانے کی ترسیل کی کمپنی جسٹ ایٹ کی موٹر بائیک نکال رہا تھا تو انھیں زمین پر لال رنگ کا آئی فون نظر آیا۔

اسٹیفن کا کہنا تھا کہ جب انھوں نے اس موبائل فون کو باہر نکال کر دیکھا تو وہ بالکل درست حالت میں تھا، جبکہ اس کی سم بھی کام کر رہی تھی۔

غوطہ خور نے بتایا کہ انھوں نے فون کی مالکن کو اس کی اطلاع دی اور یہ قیمتی فون ان کے حوالے کردیا۔

دوسری جانب انھوں نے اسی طرح ایک شخص کا فون دریا واکاما سے نکال کر اس کے مالک کے حوالے کیا تھا۔

اُس شخص کا کہنا تھا کہ ان کا یہ فون تقریباً 8 ماہ قبل دریا میں گرا تھا۔