ترجمان سندھ حکومت مرتضی وہاب کہتے ہیں کہ ہم نے تمام صنعتی زونز میں ویکسینیشن سینٹرز قائم کیے ہیں۔

میڈیا سے بات چیت کرتے ہوئے ان کا کہنا تھا کہ میں نے مختلف ہسپتالوں کا دورہ کیا ہے وہاں اسٹاف ہے جو ویکسین لگارہا ہے جبکہ سندھ حکومت نے 24 گھنٹے ویکسین شروع کرنے کی ہدایت دی تھی  جسے پورا کردیا گیا ہے۔

انہوں نے مزید بتایا کہ کل 2 لاکھ 11 ہزار لوگوں نے ویکسینیشن  کرائی ہے جبکہ سندھ حکومت نے ڈاکٹرز کے مشورے سے فیصلے کیے ہیں۔

مرتضیٰ وہاب نے میڈیا سے بات چییت میں مزید کہا کہ معیشت تباہ کرنے کے بیانات دینے والے ہمارانوٹی فکیشن دیکھیں ، ہم نے صنعتوں کو بند نہیں کیا ہے۔

ترجمان سندھ حکومت مرتضیٰ وہاب نے مزید بتایا کہ لاہور، اسلام آباد میں ڈیلٹا ویرینٹ تیزی سے پھیل رہا ہے جس کے باعث عوام کوویکسینیشن کیلئے قائل کرنا ہوگا اور ڈیلٹا ویرینٹ کی روک تھام کیلئے مشکل فیصلے کرنے ہوں گے۔