فیس بک نے اپنے پلیٹ فارم پر طالبان سے متعلق تمام مواد پر پابندی عائد کردی۔
فیس بک کی جانب سے تصدیق کی گئی ہے کہ ایپلیکیشن نے اپنے پلیٹ فارمز سے طالبان اور ان کی حمایت کرنے والے تمام مواد پر پابندی عائد کردی ہے۔
فیس بک کا کہنا ہے کہ وہ طالبان کو ایک دہشتگرد تنظیم قرار دیتے ہیں اس لئے اس گروپ کے ساتھ منسلک مواد کی نگرانی اور اسے ہٹانے کے لئے افغان ماہرین کی ایک ٹیم مخصوص کی گئی ہے۔
برطانوی نشریاتی ادارے سے گفتگو کرتے ہوئے فیس بک کے ترجمان نے بتایا کہ طالبان کو امریکی قانون کے تحت ایک دہشتگرد تنظیم کے طور پر قبول کیا گیا ہے اسی لئے ہم کمپنی کی پالیسیوں کے تحت انہیں اپنی خدمات پیش کرنے سے قاصر ہیں۔
ترجمان نے واضح کیا کہ اس کا مطلب یہ ہے ہم طالبان کے اکاؤنٹس کو ہٹا دیں گے جبکہ طالبان کی حمایت یا ان کی نمائندگی کرنے والے اکاؤنٹس پر بھی پابندی عائد کردی جائے گی۔
Advertisement
کمپنی کے مطابق یہ پالیسی تمام پلیٹ فارمز بشمول فلیگ شپ سوشل میڈیا نیٹ ورک، انسٹاگرام اور واٹس ایپ پر بھی لاگو ہوتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
