کیپٹن ر صفدر نے کہا کہ ہماری عدالتیں انصاف فراہم کر رہی ہیں جو اچھی بات ہے۔

تفصیلات کے مطابق کیپٹن ر صفدر نے وکلا کے ہمراہ سپریم کورٹ کے باہر میڈیا سے گفتگو کرتے ہوئے کہا کہ حکومت اپوزیشن پر جھوٹے مقدمات کر رہی ہے ، ہماری عدالتیں انصاف فراہم کر رہی ہیں جو اچھی بات ہے۔

انہوں نے کہا کہ مجھ پر اتنے مقدمات ہیں کہ پتا نہیں نام ای سی ایل پر ہے یا نہیں ، پابندیوں کی وجہ سے بیٹے کے نکاح میں نہیں جاسکا ، میرا بیٹا لندن میں پڑھائی اور کھیل سمیت ہر شعبے میں پاکستان کا جھنڈا لہرا رہا ہے ، مفاہمت اور مزاحمت کی فائلیں مریم اورنگزیب کے پاس ہوتی ہیں۔

کیپٹن ر صفدر نے کہا کہ میں تو کربلا والا عقیدہ رکھتا ہوں جہاں کھڑے ہوں قائم رہیں ، میڈیا کے بھائیوں کا شکریہ ادا کرتا ہوں ، میڈیا اور سیاست ایک ساتھ چلتے ہیں ، سیاسی جماعتیں ، وکلا اور میڈیا سب پاکستان کیلئے کام کر رہے ہیں۔