وفاقی وزیر اطلاعات فواد چوہدری نے کہا ہے کہ پاکستان صحافیوں کے حقوق کے حوالے سے اپنی عالمی ذمہ داریوں سے بخوبی آگاہ ہے۔

تفصیلات کے مطابق فواد چوہدری سے کمیٹی ٹو پروٹیکٹ جرنلسٹس (سی پی جے) کے سربراہ سٹیون بٹلر کا رابطہ ہوا ہے ، جس میں انہوں نے کہا کہ  پاکستان دنیا بھر میں آزادی صحافت اور صحافیوں و ذرائع ابلاغ سے وابستہ کارکنوں کے تحفظ کا حامی ہے۔

فواد چوہدری کا مزید کہنا تھا کہ افغانستان میں عالمی میڈیا کے ارکان کو انخلاء میں سہولت فراہم کرنے کے لیے خصوصی سیل قائم کیا ہے۔

سٹیون بٹلر کا کہنا تھا کہ پاکستان نے مشکل وقت میں عالمی صحافیوں کے انخلاء میں ذمے دارانہ کردار ادا کیا ہے جو لائق تحسین ہے۔

واضح رہے کہ سٹیون بٹلر نے افغانستان سے عالمی صحافیوں کے انخلاء میں سہولت فراہم کرنے پر پاکستان کا شکریہ بھی ادا کیا ہے۔