پاکستان مسلم لیگ (ن) پنجاب کے صدر رانا ثناءاللہ خان نے وزیر داخلہ شیخ رشید کے بیان پر ردعمل دیتے ہوئے کہا ہے کہ کشمیری   چوروں کو ووٹ نہیں دیتے ہیں۔

ان کا کہنا تھا کہ الیکشن بیچنے والوں کا جیت کا نعرہ لگانا خود فریبی ہے جبکہ بھارت کے خلاف عالمی سطح پر ایک بھی مذمتی قرارداد منظور کرائی ہے تو کشمیریوں کو دکھائیں۔

 رانا ثناءاللہ نے کہا کہ 3 سال اپوزیشن کو سزائے موت کی چکیوں میں قید اور جھوٹے الزامات لگا کرحکومت چلانے کی کوشش کی گئی ہے، اپوزیشن کے خلاف جھوٹے کیس بنا کر جیلیں بھر کر بھی یہ نالائق اور چور حکومت نہ چل سکی۔

انہوں نے مزید کہا کہ شیدا ٹلی چورن بیچنے کے بجائے ثبوت دے کہ موجودہ حکومت نے کشمیر کے لئے کیا ہے۔