بزدار حکومت کا محفوظ خوراک اورباعزت روزگار کی فراہمی کے لئے ایک اوراہم اقدام سامنے آگیا ہے۔

تفصیلات کے مطابق وزیراعلیٰ پنجاب سردار عثمان بزدارکی خصوصی ہدایت پر ماڈل فوڈ اسٹالزکی مفت فراہمی کے پروگرام کا آج سے آغاز ہوگا جس میں عثمان بزدار ماڈل فوڈ اسٹالزکی غریب اوردیہاڑی دار طبقے کومفت فراہم کرنے کے پروگرام کا افتتاح کریں گے۔

وزیراعلیٰ عثمان بزداربہترین کارکردگی کا مظاہرہ کرنے والے پنجاب فوڈ اتھارٹی کے ملازمین میں تعریفی سر ٹیفکیٹ بھی تقسیم کریں گے اسکے علاوہ پنجاب فوڈ اتھارٹی کے ڈائریکٹر جنرل رفاقت علی  عثمان بزدار کو ادارے کی کارکردگی کے بارے میں بھی بریفنگ دیں گے۔

واضح رہے کہ سینئر وزیر عبدالعلیم خان، صوبائی وزراء میاں محمود الرشید، ڈاکٹر یاسمین راشد، میاں اسلم اقبال، مراد راس، پرنسپل سیکرٹر ی ، سیکرٹری خوراک اورمتعلقہ حکام بھی تقریب میں شرکت کرینگے۔