مشیر وزیراعلی پنجاب برائے سیاحت آصف محمود کی ایرانی کلچرل اتاشی جعفر یونس  سے ملاقات ہوئی ہے۔

تفصیلات کے مطابق ملاقات میں پاکستان اور ایران کے درمیان باہمی دلچسپی کے امور پر بات چیت ہوئی ہے۔

مشیر وزیراعلی پنجاب برائے سیاحت آصف محمود کا کہنا ہے کہ پاکستان اور ایران برادر اسلامی ممالک ہیں جبکہ  دونوں ممالک میں کلچرل اور سیاحتی تعاون کے بے پناہ مواقع بھی ہیں۔

ان کا کہنا تھا کہ پنجاب کے کلچر اور سیاحت سے آگاہی کے لیے ایرانی کونسلینٹ  سے مل کر کام کریں گے ، لاہور کی تاریخی امارات پر شائع کتب کا فارسی میں ترجمہ بھی کیا جائے گا۔

دوسری جانب ایرانی کلچرل اتاشی جعفر یونس کا کہنا تھا کہ ایرانی عوام کو پاکستان کی سیاحت سے روشناس کروائیں  گے ، ایران کی تہذیب و ثقافت کے حوالے سے لاہور میں سیمینار بھی منعقد کریں گے۔

واضح رہے کہ محکمہ سیاحت میں ہونے والی ملاقات میں ایڈیشنل سیکرٹری کلثوم ثاقب اور ایم ڈی ٹورزم تنویر جبار بھی شریک تھے۔