وزیراعظم کے معاون  خصوصی برائے سیاسی ابلاغ  ڈاکٹر شہباز گِل نے کہا ہے کہ پرچی چیئرمین بین الاقوامی سیاست چھوڑیں سندھ عوام کا سوچیں۔

تفصیلات کے مطابق وزیراعظم کے معاون خصوصی برائے سیاسی ابلاغ  ڈاکٹر شہباز گِل نے بلاول زرداری کے بیان پر رد عمل دیتے ہوئے کہا کہ پرچی چیئرمین اور انکے والد کی کرپشن کی بدولت پیپلز پارٹی علاقائی جماعت بن کر رہ گئی ہے۔

ڈاکٹر شہباز گِل نے کہا کہ سندھ سرکار کی کارکردگی کاغذوں تک محدود ہے، پیپلز پارٹی نے عوام کو جو دکھ دیئے عوام اسکا حساب 2023 کے الیکشن میں لیں گے۔

وزیراعظم کے معاون خصوصی برائے سیاسی ابلاغ نے یہ بھی کہا کہ چوروں اور لٹیروں کا باریاں لگا کر لوٹنے کا دوڑ قصہ پارینہ بن چکا ہے، پرچی چیئرمین کی تمام جدوجہد والد کی کرپشن بچانے کیلئے ہے۔

ڈاکٹر شہباز گِل کا کہنا تھا کہ پرچی چیئرمین بین الاقوامی سیاست چھوڑیں سندھ عوام کا سوچیں جبکہ مراد شاہ صاحب اپوزیشن  لیڈر بننے کے خواب چھوڑیں وزیراعلیٰ بن کر اپنی زمہ داریاں پوری کریں۔

وزیراعظم کے معاون خصوصی برائے سیاسی ابلاغ  ڈاکٹر شہباز گِل کا مزید کہنا تھا کہ عمران خان کو عوام نے منتخب کیا ہے اور 2023 انتخابات میں بھی عمران خان ہی عوام کی واحد امید ہے، عمران خان کا پیغام بھی سن لیں این آر او نہیں ملے گا۔